هل تعرف نظاماً غير الويندوز؟ تعرف على اللينكس

عضو عادي المساهمات : 50 تاريخ التسجيل : 06/05/2008

السلام عليكم ورحمة الله وبركاته

هلا شحالكم؟

المهم ابي اقول لأستاذ حسن ابي اراويك الموضوع قبل ما انشره بس ما شفتك في المسن

في الويندوز .. سترى كل الكمبيوترات متشابهة بل ربما متطابقة

في نظام لينكس تقدر تغير شكل النظام لأي شي تبغاه .. وطبعاً أشكال أجمل من الويندوز

إذا عاجبنك الويندوز تقدر تخلي شكل نظام اللينكس مثل الويندوز

هذه بعض الصورة لنظام اللينكس ^_^

ما عرفت اسوي الصور

المهم عندكم الروابط اضغطوا عليهم وشوفوا الصور خخ ادري طريقة تزهق بس ما عرفت اسوي الصور :'(

https://2img.net/h/i408.photobucket.com/albums/pp166/el7azeen/kde/glassified_1.jpg

https://2img.net/h/i408.photobucket.com/albums/pp166/el7azeen/kde/fluffybunny.png

https://img.photobucket.com/albums/v736/wongkeanwah/mac-leopard-2.png

بإمكانك جعل جهازك مثل الماك

https://2img.net/h/i408.photobucket.com/albums/pp166/el7azeen/kde/windows-like.jpg

هذا لينكس مو ويندوز بس في اللينكس تقدر تخلي شكل نظامك بأي شكل تبغاه

http://www.breakitdownblog.com/wp-content/uploads/2007/12/ubuntu_desktop_mockup.jpg

هذي أمثلة لسطح المكتب في نظام لينكس .. وفيه غيرها أشكال أكثر وأجمل ^_^

وتقدر انت تخلي كمبيوترك مثل ما تبيه تغير فيه زي ما تبغى

وغير هذا هناك التأثيرات ثلاثية الأبعاد

هذي صورة لجهازي

بعض البرامج .. واخترت اللغة العربية .. مع اني استخدم الإنجليزية
تقدر تغير اللغة كل مرة تشغل جهازك

متصفح فايرفوكس يعرض منتدى الجارودية مع إضافة أوقات الصلاة
وبرنامج songbird لتشغيل الصوتيات
https://2img.net/h/i408.photobucket.com/albums/pp166/el7azeen/kde/myscreen1.png

البرامج المشابهة للورد والإكسل يقومون بنفس الوظيفة وربما أفضل لسرعتهم الكبيرة
وبرنامج الملاحظات tomboy مرة جميل .. تكتب ملاحظاتك وتحفظها واي وقت تبي تتذكر اي شي افتح هالبرنامج

https://2img.net/h/i408.photobucket.com/albums/pp166/el7azeen/kde/myscreen2.png

وهذا سطح المكتب في بيئة gnome

تقدر تركب أكثر من سطح مكتب في وتختار اللي تبي كل مرة تشغل الجهاز

الساعة وورقة الملاحظات والعداد .. عبارة عن بريمجات صغيرة اسمها screenlets

https://2img.net/h/i408.photobucket.com/albums/pp166/el7azeen/kde/mygnome.png

وهذا سطح المكتب لما اختار بيئة kde

هذي الإضافات الساعة والمجلدات اللي على سطح المكتب تجي ويا النظام اسمها plasmoids

https://2img.net/h/i408.photobucket.com/albums/pp166/el7azeen/kde/mykdedesktop34.jpg

هذا برنامج المسنجر .. فيه خصائص جميلة مثلاً تقدر تختار شكل نافذة المحادثة
وإذا ما عجبوك الأشكال الموجودة اصنع الشكل اللي يعجبك واستخدمه
https://2img.net/h/i408.photobucket.com/albums/pp166/el7azeen/kde/msnkde.jpg

وهذا أحد التأثيرات الثلاثية الأبعاد .. في تأثيرات مرة جميلة بس ما أعرف اصورها

زي تخلي النافذة تهتز زي اللي ترقص .. أو لما تسكر النافذة تخليها بدل ما تتسكر تشب فيها حريقة

https://2img.net/h/i408.photobucket.com/albums/pp166/el7azeen/kde/mygnomecube.png

خلونا نتعرف على اللينكس

وشو نظام اللينكس؟

لينكس نظام تشغيل .. يعني مثله مثل الويندوز

كلا النظامين ويندوز ولينكس يخلون جهاز الكمبيوتر يشتغل

طيب وشو نظام التشغيل؟

مثل ما ذكرنا .. نظام التشغيل عبارة عن برامج تخلي كمبيوترك تشتغل

يعني البرامج الأساسية اللي تتحكم في الكمبيوتر .. وتخلي قطع الكمبيوتر الهاردوير .. تتعامل مع بعض وتتفاهم مع بعض

طيب أنا عندي نظام ويندوز .. ليش أستخدم نظام ثاني؟

عدة أسباب أهمها الأمان .. حيث لا فيروسات في عالم لينكس

والسبب الثاني الأداء والثبات والأداء العالي لنظام لينكس بعكس الويندوز اللي تحتاج كل فترة إعادة تشغيل وربما إعادة تنصيب كل مدة

وكذلك الويندوز وبرامجه تقوم بإستهلاك النظام بشكل كبير وتجعله يعمل بشكل بطئ

فأداء لينكس أفضل بشكل كبير من الويندوز وخير دليل على ذلك أنه معظم السيرفرات اللي تحتاج إلى نظام مستقر تعمل على اللينكس

بل إن شركة جوجل أكبر شركة في عالم الإنترنت تستخدم نظام اللينكس لأدائه العالي

والسبب الثالث انه مجاني أما في ويندوز فهو إما سيكلفك مئات الريالات .. أو أنك ستحصل على نسخة مقرصنة ومسروقة

وأسباب كثيرة

شرايكم في الفصحى؟

لكن أنا متعود على الويندوز ولا أبغى أتعلم شي جديد .. وأكيد اللينكس صعب لأنه ما أحد يستخدمه؟

امم انت جربته عشان تقول صعب؟ ليش ما تجربه؟

تقدر تجرب اللينكس من دون حتى ما تنزله على الكمبيوتر .. تشغله من السي دي مباشرة

إذا ما عجبك .. أو شفته صعب (مع انه نفس الويندوز) لا تستخدمه مرة ثانية

وعلى قولة استاذ حسن .. استاذي في اللينكس .. الناس أعداء ما جهلوا

متأكد نظام لينكس يصلح لي؟

امم إذا كنت تستخدم الكمبيوتر فقط استخدامات عادية يعني تصفح النت واستخدام الوورد والتصميم وسماع الصوتيات

ايه أكيد وأفضل لك من الويندوز مئات المرات بس

إذا كنت من مدمنين الألعاب (أقصد الألعاب الكبيرة زي لعبة ميبل ) فلا تستخدمه لأنه لينكس لا يدعم معظم الألعاب المشهورة
ليس عيباً في اللينكس لكن شركات الألعاب لا تصنع نسخ مخصصة للينكس

يمكن الهاردوير اللي عندك ما يتوافق مع اللينكس

والسبب الثالث لو كان فيه برنامج في الويندوز ما تقدر تستغني عنه لأنه برامج الويندوز لا تعمل على اللينكس
هناك طرق لجعلها تعمل لكن ليست دائماً ناجحة

مع ذلك أنصحك تجربه .. لأنك ما راح تخسر شي مجرد تشغل السي دي .. من دون تنصيب

أبغى أجرب اللينكس .. لكن خايف على ملفاتي والأشياء اللي عندي في الكمبيوتر تضيع؟

هذي سهلة .. أصلاً ما يحتاج تركب اللينكس على الكمبيوتر عشان تشغله

فقط دخل السي دي نظام اللينكس .. وأعد التشغيل وراح يشتغل عندك اللينكس

يعني ما راح تنزل ولا حاجة على الكمبيوتر .. ولا راح يأثر ولا يغير شي في كمبيوترك

طيب من وين أجيب سي دي نظام لينكس؟

في نظام اللينكس هناك عدة توزيعات .. وتقدر تنزل أي توزيعة من النت مجاناً وبعدين تسوي ليها حرق على سي دي

وتشغله بكل سهولة من دون تنصيب حتى

دقيقة .. يعني وشو توزيعة؟

التوزيعة هي نفسها نظام لينكس .. يعني

نظام لينكس مو مثل ويندوز مسؤولة عنه شركة واحدة .. لا في شركات كثيرة وتوزيعات مختلفة

التوزيعة تقدر تقول عبارة عن ثيم للنظام .. وبرامج معينة يختاروها لك .. وأمور ثانية تقنية

لمعرفة المزيد عن الشسمه التوزيعات ادخل هنا

http://ar.wikipedia.org/wiki/%D8%AA%D9%88%D8%B2%D9%8A%D8%B9%D8%A7%D8%AA_%D9%84%D9%8A%D9%86%D9%83%D8%B3

طبعاً توزيعات اللينكس كثيرة وتوصل بالمئات

بل بالمئات .. طيب كيف أعرف أفضل عشان أجربها؟

مافيه أفضل وأسوء

طبعاً في توزيعات خاصة للكمبيوترات القديمة .. هذي تكون خفيفة ولا تبي ذاكرة وموارد كبيرة من النظام

في توزيعات خاصة للألعاب .. توزيعات خاصة لكذا .. وكل واحد ورغبته .. يعني الخيار قدامك مفتوح

لكن احنا راح نستخدم توزيعة أوبنتو .. وتقدر تستخدم أي توزيعة غيرها بنفس الطريقة

أشهر التوزيعات امم يمكن أوبنتو .. فيدورا .. أوبن سوسي .. وغيرها وايد

تقدر تعرف اكثر من هالموقع

http://distrowatch.com/

واحنا راح نستخدم الأوبنتو

طيب ليش أوبنتو مو غيرها؟

أكثر توزيعة مستخدمة في العالم .. ومصممة للمستخدم العادي

وكل شي فيها سهل وأكثر توزيعة تدعم الهاردوير .. شركة جوجل تستخدم هذه التوزيعة

كيف أحصل على سي دي توزيعة أوبنتو؟

امم راح تنزله من النت طبعاً بس حجمه كبير 700 ميجا ..

أو تقدر تطلبه من عندي .. أوزع سيديات أوبنتو ابلاش

أبي أنصب اللينكس على الجهاز .. بس أبي أحتفظ بالويندوز؟

تقدر .. تخلي النظامين .. وكل مرة تشغل الكمبيوتر أو تسوي إعادة تشغيل

تقدر تختار النظام اللي تبي تستخدمه

طيب ما قلت لنا شي عن الأمور التقنية والتاريخية عن اللينكس؟

امم اقرأ مقالة ويكيبيدا عن اللينكس

http://ar.wikipedia.org/wiki/%D9%84%D9%8A%D9%86%D9%83%D8%B3

وجرب ابحث في جوجل عن اللينكس

لن تحتاج هذه المعلومات .. فنظام لينكس جداً سهل .. وأسهل حتى من الويندوز في أمور كثيرة

يتبع ^^

عضو عادي المساهمات : 50 تاريخ التسجيل : 06/05/2008

تجربة نظام الأوبنتو بخاصية السي دي لايف

السي دي لايف يعني بالعربي تقدر تشغل النظام من دون ما تسوي له تنصيب

الخطوة الأولى:

تحميل نسخة أوبنتو أو كوبنتو

الملف حجمه كبير .. 700 ميجابايت تقريباً تحتاج دي اس ال .. وحاول تنزله ببرنامج تحميل

اللي يبي سي دي يطلب لا أحد يستحي ..

حمل الأوبنتو

اختر موقع التحميل ثم اضغط download now

http://www.ubuntu.com/getubuntu/download

أو حمل من هذه الوصلة المباشرة

أو

حمل الكوبنتو

اختر نوع اصدارات كي دي اي .. الثالثة أو الرابعة .. اختر الرابعة أفضل

ثم اختر موقع التحميل واضغط download now

http://www.kubuntu.org/getkubuntu/download

الخطوة الثانية: حرق ملف iso إلى سي دي

بعد ما تنزل الملف راح ينزل ملف بصيغة iso

تحتاج إلى سي دي فاضي وبرنامج حرق الأقراص مثل نيرو إذا موجود عندك

يجب عمل أمر burn image أو burn iso

ولا تقم بعملية burn عادية لأنه كذا ما راح تستفيد من السي دي

إذا ما عندك برنامج حرق أقراص نزل هذا البرنامج انفرا ريكورد

http://downloads.sourceforge.net/infrarecorder/ir045_ansi.exe?download

ثم افتح البرنامج واختار
Action > burn image

https://help.ubuntu.com/community/BurningIsoHowto?action=AttachFile&do=get&target=infrarecorder2.png

وبتطلع نافذة شوف وين حفظت ملف الأوبنتو وسوي له حرق على السي دي

ثم أعد التشغيل .. وخلي السي دي في سواقة الأقراص

لما تعيد التشغيل تأكد من انه اعدادات البيوس .. معدة انه يشتغل من السيدي قبل الهارديسك

إذا ما كان معد كذا .. اضغط اف 12 وحدد كلمة cd-rom أولاً

اختر الخيار الأول try ubuntu without any change to your computer

http://linuxscreenshots.org/screenshots/ubuntu-desktop/8.04/h400/boot_options.jpg

وقم بتجربة الأبنتو من السي دي .. ^_^

يتبع ^^

بنشرح الفرق بين الأوبنتو والكوبنتو ..

عضو عادي المساهمات : 61 تاريخ التسجيل : 09/07/2008

شكرا
انها معلومات جديدة عليي

عضو عادي المساهمات : 61 تاريخ التسجيل : 09/07/2008

ويش صاير؟

مكتوب تحت اسمي عضو عادي!

انا عضو فعال

مطعم سبايسي ميل Spicy Meal
الوجبة الحارة

اطلبوا منه!

عضو عادي المساهمات : 50 تاريخ التسجيل : 06/05/2008

في عالم اللينكس في واجهات استخدام كثيرة أشهر ثنتين

الأولى gnome

http://ar.wikipedia.org/wiki/Gnome

والثانية kde

http://ar.wikipedia.org/wiki/Kde

فيه غير دولا الثنتين بس دولا أشهر شيء

اوبنتو يستخدم الجنوم وكوبنتو يستخدم الكي دي اي

تقدر طبعاً تنزل الثنيتن على نفس الجهاز .. وكل مرة تشغل الجهاز تختار أي واجهة تبغى

كل واحدة منهم تستخدم برامجها الخاصة .. بس تقدر تركب برامج هذي على هذي والعكس يعني

هذا صورة اوبنتو بالجنوم

http://upload.wikimedia.org/wikipedia/commons/5/5b/Ubuntu.png

والكوبنتو يستخدم kde

http://upload.wikimedia.org/wikipedia/commons/5/54/KDE_4.png

يتبع ^^ مقارنة بين اللينكس والويندوز

عضو عادي المساهمات : 50 تاريخ التسجيل : 06/05/2008

مقارنة بين اللينكس والويندوز

السعر
اللينكس مجاني
الويندوز بمئات الريالات .. وإذا أردت النسخة الحديثة الفيستا فقد يصل سعرها لأكثر من ألف ريال
برامج الويندوز أغلبها غالية .. تعرف كم سعر الفوتوشوب؟ 2625 ريال .. والأوفيس أغلى يمكن ثلاثة آلاف ريال
تخيل لو عندك شركة لكل كمبيوتر بتشتري أوفيس وفوتوشوب الأصليين؟ أرقام خيالية

أدري كلكم تستخدموا نسخ مقرصنة ومكركة

بس بعضكم يستخدم لابتوب يمكن انت تقول أنا ما دفعت ولا ريال عشان الويندوز
لكن إذا فرضاً انت شريت لابتوب ويجي ويا اللابتوب نسخة ويندوز أصلية أو يمكن أوفيس
سعر الويندوز موجود في سعر اللابتوب لأنه الشركة شرت الويندوز من مايكروسوفت وتبيعك اياه مع سعر اللابتوب

مثلاً الحكومات تدفع ملايييين لمايكروسوفت عشان تستخدم الويندوز والأوفيس على كمبيوتراتها .. والشعب يخسر هالملايين ليش؟ لأنه الكل يستخدم ويندوز ولا أحد يبي يغير .. انزين ما بنتفلسف وايد نرجع لموضوعنا

الأمان

الويندوز
كله فيروسات يومياً لازم يصيد لك مكافح الفيروسات ثلاثة أربع فيروسات
وبرامج مكافحة الفيروسات تستهلك ذاكرة وموارد النظام .. يعني تبطئ الجهاز .. وفوق هذا كل مدة صادوا السيريال نمبر .. ودور سيريال جديد

اللينكس
لا يوجد هناك فيروسات ولا مكافح فيروسات

الأداء والإستقرار

هل تعلم أن جوجل تستخدم نظام لينكس؟ لماذا لا تستخدم الويندوز؟
الويندوز .. كل مدة لازم تعيد التشغيل عشان يرجع سريع زي أول ما شغلته .. وكل مدة لازم تفرمته لأنه صار بطئ من الفيروسات والبرامج
عشان كذا معظم الشركات الكبيرة زي مثلاً جوجل .. اللي تحتاج أداء عالي على طول تستخدم اللينكس
طبعاً حرام نقارن بين الويندوز واللينكس في هالشي

شي ثاني .. ويندوز يبي أجهزة سريعة وذاكرة عالية ومعالج خارق واذا جيت تشتري لك كمبيوتر جديد اشتر أسرع معالج وأكبر حجم للذاكرة بس عشان تشغل نظام ويندوز .. ويشتغل ببطئ
لكن في اللينكس .. حتى لو شغلته على كمبيوتر قديم راح يشتغل وبنفس السرعة والأداء

في إحصائية لشهر فبراير 2008
السوبركمبيوتر supercomputers في العالم 85% تستخدم اللينكس و1.4% تستخدم الويندوز

الجمال والشكل؟

في الويندوز ستحصل على ثيم واحد ولا تغيره .. بل جميع الكمبيوترات متشابهة ومتطابقة
في اللينكس خصص شكل النظام زي ما تبغى .. شوف الصور اللي في بداية الموضوع ..

يمكن رؤية جمال التأثيرات في الأوبنتو في يوتيوب اكتب بس ubuntu وشوف الأعاجيب ^_^

التنصيب

تنصيب اللينكس جداً سهل وأسهل من الويندوز
وأسرع بكثير .. اللينكس ما يآخذ نص ساعة عشان يتنصب وجميع البرامج موجودة
أما إذا نصبت ويندوز .. يبي لك ساعة لو ساعتين تنصب البرامج اللي تحتاجها

في اللينكس تقدر تستخدم السيدي لايف في أقل من خمس دقائق
هل تستطيع ذلك بالويندوز؟

دعم الهاردوير

طبعاً الويندوز يعمل على جميع الأجهزة أو أغلبها .. لأن الشركات تقوم بصنع الدرايفرات للهاردوير خصيصاً لويندوز .. أما اللينكس فيقوم بهذا العمل بجهود مبرمجيه .. ومع ذلك بإمكانك تشغيل اللينكس على معظم الأجهزة .. وإذا عندك جهاز قديم تعبان من الويندوز واستهلاكه جرب تركب عليه اللينكس

هذي بس بعض اوجه المقارنة وناقصة .. لكن اللينكس يتفوق كثيرررراً على الويندوز .. يمكن بمليون مرة لو اكثر بعد

يتبع ^^

عضو عادي المساهمات : 50 تاريخ التسجيل : 06/05/2008

تشغيل برامج الويندوز على اللينكس

برامج الويندوز لا تعمل على اللينكس فإذا كنت تحتاج برنامجاً في الويندوز فلا تقوم بإستخدام اللينكس

أو امم تقدر تجرب هالطرق يمكن تنفع معاك

الطريقة الأولى

قبل ما تركب برنامج خاص بالويندوز .. حاول أن تبحث عن برنامج بديل
كل برنامج في الويندوز في برنامج مشابهة له يقوم بنفس عمله في اللينكس .. ابحث عن البرنامج البديل فهذه أفضل طريقة
قد تكون متعود على برنامج الوورد .. ولكن حاول أن تجرب البديل في لينكس ستحصل على نفس النتائج .. فقط تحتاج إلى صبر وتعود

الطريقة الثانية

بإستخدام

virtualbox

بهالطريقة سوف تقوم بتنصيب الويندوز داخل اللينكس وطبعاً هذا راح يستهلك موارد النظام لكن تقدر بعدها تشغل أي برنامج تحتاجه من الويندوز على الويندوز داخل اللينكس
ستحتاج إلى نسخة ويندوز في هذه الطريقة

الطريقة الثالثة

بإستخدام

wine

هذي الطريقة جيدة مع برامج كثيرة .. تقوم بتشغيل برامج الويندوز على اللينكس بواسطة برنامج الواين .. ولكن بعض الأحيان قد لا يعمل البرنامج بشكل مثالي وتحصل تعليقات وأخطاء
وقد لا يعمل البرنامج أساساً
ولكنها جيدة في حالات كثيرة
يعني حسب بحثي في النت تقدر تشغل الفوتوشوب .. ومايكرسوفت أوفيس والمسنجر نسخ قديمة ويندوزميديا بلاير وبرامج كثيرة

عضو عادي المساهمات : 50 تاريخ التسجيل : 06/05/2008

المهم بعد ما خلصنا من الهدرة الطويلة

وما ذكرناا إلا نقاط بسيطة .. أنصح كل واحد يبحث عن أوبنتو أو ubuntu في جوجل

ويزيد اطلاعه على هالنظام الرائع ..

بالنهاية أقول

إذا أي احد عنده سؤال يتفضل .. وعندي لكم كم سؤال نستطلع آرائكم

س1
هل أنت مرتاح مع ويندوز؟
يعني فيروساته ولما يعلق ومع سرعة الجهاز وأدائه؟

س2
هل تفكر في تجربة أوبنتو؟ أو أي توزيعة أخرى من لينكس؟ إذا كان ايه ليش .. وإذا لا بعد ليش؟

س3
هل تعتقد أن هناك شيء في ويندوز لن تلقاه في أوبنتو؟
بصيغة ثانية Very Happy

شي تحتاجه في الويندوز وما بتحصله في الأوبنتو؟

س4

ما رأيك في ويندووز وأوبنتو .. يعني سوي مقارنة بينهم .. إذا كنت جربت أوبنتو

وشكراااً

يالله مع السلامة

عيدكم مبارك .. عساكم من العايدين السعيدين جميعاً

عضو عادي المساهمات : 49 تاريخ التسجيل : 05/05/2008

هلا بولد العم

مشكور على الموضوع

صراحه روعه

وحبيت اعلق على نقطه

اقتباس :: كيف أحصل على سي دي توزيعة أوبنتو؟

اي واحد يبي اي توزيعه يقول وخلال يوم ان شاء الله تكون عنده

اما بخصوص الاسئله

س1
هل أنت مرتاح مع ويندوز؟

بدون شك اكيد مومرتاح كل يوم فرمت كل يوم
لكن الامخليني اصبر هي اني متعود عليه وايضاً لايوجد العاب في اللينكس
اما اللينكس لاوجود للفيروسات
ادخل مواقع الفيروسات واطلع منها ولا كأن صاير شي
مثلاً موقع www.gookle.com الايقولو يدمر الكمبيوتر
ماادري انا صدق ولا لا بس جربت افتح باللينكس ماصار شي
في الوندوز طبعاً ماجربت،، الاابغى اوصله انك ماتخاف من الفيروسات في اللينكس

س2
هل تفكر في تجربة أوبنتو؟ أو أي توزيعة أخرى من لينكس؟ إذا كان ايه ليش .. وإذا لا بعد ليش؟

طبعاً جربت اكثر من توزيعه
اوبنتو واوبن سوزا وفيدروا
ابنتو الافضل اوبن سوزا تتميز بالجمال وسهله وكل شي لكن يعيبها بطيه نوعاً ما
فيدروا جربتها مرتين ماعجتني لما تجي تنزل اضافه او برنامج دائماً يعرض لك الاضافات الاتشتريها بفلوس
فتطر تدور النت لين تلقى الاضافه الاتبيها ولاتنسى ان فيدروا مبنيه على الريدهات وقليل من العرب يستخدمو الريدهات
اما الابنتو تعتمد على ديبان واغلب العرب يستخدمو توزيعات ديبان فيكون البحث مضاعف
اضافه لما قلت عن الفيدروا ان الفيدروا مصنوعه اصلاً للمبرمجين

س3
هل تعتقد أن هناك شيء في ويندوز لن تلقاه في أوبنتو؟

بدرجه اولى الالعاب

وثاني شي جماليه البرنامج

اللينكس يوجد به برامج كثيره وقد تفوق برامج الوندوز

لكن يعيبها التصميم فليست سهله كالوندوز حتى في طريقه التركيب

س4

ما رأيك في ويندووز وأوبنتو .. يعني سوي مقارنة بينهم .. إذا كنت جربت أوبنتو

اللينكس ،اسرع بألف مره ، من يستخدمه لايعرف معنى فيروس ، مشاكل التعليق تودعها بنسبه 90%
شغل اكثر من برنامج في نفس الوقت عكس الوندوز برنامجين ويوقف الكمبيوتر، لااعاده تشغيل بعد اليوم الافي وقت محدد كـ تحديث النواه
واهم نقطه لاوجود لزباله الوندوز-الرجستري-

الوندوز
اسهل،،تعود عليه،،

اذكر ايام اللينكس ماكنت اشتهي احمل شي لاني مومرتاح له

--------
طبعاً لوتلاحظ ان اللينكس من عام 2004 الى 2008 تطور رهيب حصل فيه
خاصه انه الحين صار خيار للمستخدم العادي عكس قبل وكل يوم يزيد الاهتمام
رئيس الاوبنتو يقول اوبنتو 9.04 مفاجأه العالم-رقم الاصدار يرمز للسنه والشهر اي سوف ينزل 9.04-
ونسخه الابنتو تنزل كل 6 شهور اي في شهر 4 وشهر 10 بالانجليزي عكس الوندوز الي كل يوم تأجيل وماينعرف وقت اصداره

اما الوندوز
من 2002 الى الحين وهو في انحدار
نشوف الفيستا وخيبه الامل
تخيلو ان ماكرسوفت راصده 100 مليون لدعم الفيستا بالاعلانات
والله لو يطورون ب100 مليون الفيستا ارحم لهم
طبعاً انا ماجربت الفيستا الاستخدام عادي بس الاحصائيات واراء الناس تقول كذا

هذي اخر اخبار اللينكس

اليوم نزلت نسخه الجديده 8.10 بيتا 1
ويوم 10/31 بتنزل النسخه النهائيه
وانا حملت اليوم البيتا وجاري التجربه